"App Annie” analitik şirkəti dünyanın böyük ölkələri arasında ən populyar messencerlərin reytinqini tərtib edib. 

Rusiyada daha çox "WhatsApp”, ABŞ-da isə "Facebook” messencerindən daha çox istifadə olunur.

 
"App Annie”nin mütəxəssisləri proqnozlaşdırır ki, gələcəkdə ani məlumat mübadiləsi xidmətləri tam olaraq SMS-i əvəz edəcək. Məlumdur ki, "WhatsApp” messenceri həmçinin Latın Amerikası və Avropada olduqca populyardır.

Asiya ölkələrində isə liderlər daha çox "WeChat”, "Line”, "KakaoTalk” kimi yerli messencerlərdir. Ancaq əlavənin daxilində həyata keçirilən alış-verişləri və yükləmələri nəzərə alsaq, Rusiya və ABŞ-da ilk yerləri "Viber” və "Skype” messencerləri tutur.

 
Həmçinin bildirilir ki, yaxın zamanlarda messencerlərin funksionallığı Asiya bazarlarının analoqu ilə xeyli genişlənəcək. Belə ki, gələcəkdə məlumat mübadiləsi xidmətləri vasitəsilə taksi və ya kinoya bilet sifariş etmək mümkün olacaq. Bu cür əlavələrin başlıca hərəkətverici qüvvəsi isə kreativ reklam formaları və brendlərin irəliləməsi olacaq.(vladtime.ru)