Bu gün "İşğal altında: Şuşa. Qisas” kompüter oyununun və "Qarabağı tanı” kitabının təqdimat mərasimi keçirilib.
Xeberle.com-un Oxu.Az-a istinadən məlumatına görə, yeni oyun 2012-ci ildə istehsal edilən "İşğal altında: Şuşa” oyununun yeni versiyasıdır. Əvvəlki versiya ilə müqayisədə həm texniki göstəricilər, həm də oyunun süjeti yenilənib və inkişaf etdirilib.
Oyun Gənclər və İdman Nazirliyinin dəstəyi ilə "AzDimension” şirkəti tərəfindən hazırlanıb. Daha əvvəl nazirlik bu şirkət tərəfindən "İşğal altında: Ağdam” oyununun hazırlanmasını dəstəkləyib. Bu ilin sonunda isə macəra triller janrında qurulan "Sonuncu dalan” kompüter oyununun istifadəyə verilməsi planlaşdırılır.
"Qarabağı tanı” layihəsi çərçivəsində Azərbaycanda ilk dəfə üçlü formatda hazırlanan "Şuşa kitabı” uşaq və gənclərin Şuşada yerləşən tarixi və mədəniyyət abidələri haqqında ətraflı məlumat əldə etməsinə imkan yaradır. Şuşa qalası, Natəvan bulağı, Gövhər ağa məscidi, karvansaray və digər abidələr kitabda yer alıb.

Xəbərdən istifadə edərkən istinad etmək vacibdir.