Ev üçün qurğu istehsalçısı "Nest Labs" kamera ilə təchiz edilmiş qapı zənginə sifətin tanınması texnologiyasını əlavə edib.
 "Ağıllı" qapı zəngi yad və ya tanış insanın yaxınlaşması barədə sahibinə xəbərdarlıq edə bilir. Gələn ilin ilk üç ayı ərzində satışa çıxarılacaq qurğunun qiyməti hələlik açıqlanmayıb.

Qeyd edək ki, "Google" "Nest Labs" şirkətini 2014-cü ildə 3,2 milyard dollara satın alıb. Şirkət internetə qoşulan termostatlar, tüstü sensorları və avtonom təhlükəsizlik kameraları istehsal edir.(AZƏRTAC)

Xəbərdən istifadə edərkən istinad etmək vacibdir.