25 yaşlı sumqayıtlı gənc Murad Mərdanov yeni tətbiqetmə kəşf edib. Xeberle.com-un verdiyi məlumata görə, bu tətbiq Azərbaycan Gənclər Fondunun
maliyyə dəstəyi ilə "ECO MAP” lahiyəsi çərçivəsində ərsəyə gəlib. Tətbiq Azərbaycanda
eco cığırların elektron versiyalarının bir yerdə toplamaq məqsədi ilə
hazırlanıb. Tətbiqdə Azərbaycanın turistik müxtəlif cığırları haqqında məlumat
(məsafə, foto və xəritə) yerləşdirilib və onun vasitəsi ilə öz mobil
cihazınızın GPS qurğusundan istifadə edərək mövcud cığırlardan istifadə etmək,
yeni cığır əlavə etmək və yaxud manual olaraq əl ilə hər hansı cığırı əlavə
edib cığır haqqında foto və məlumatı öz telefonunuzda saxlaya bilərsiniz.
Tətbiq
GPS vasitəsi ilə işləyir. Eco map lahiyəsi Azərbaycana gələn xarici və yerli
turistlərin ekoloji cığırlarda təhlükəsizliyini təmin etmək, cığır haqqında məlumat
almaq və xarici turistlərin Azerbaycana axınını təşkil etmək məqsədi ilə
qurulub. Bu tətbiqdə Azərbaycanda olan ekoloji və dağ cığırlarının, GPS qurğusu
vasitəsi ilə öncədən eco map lahiyəsi çərcivəsində çəkilmiş cığırlar toplusu
yerləşdirilmişdir. Bu elektron cığırlar Azərbaycana qonaq gəlmiş xarici turistlərin
və yerli eco turizmçilərin ekoloji cığırlarda və dağ cığırlarında azmamasına və
qət edilən cığır haqqında məlumat almasına köməklik edir. Tətbiq vasitəsi ilə
siz təhlükəsiz olaraq evde oturduğunuz zaman əvvəlcədən getmək istədiyiniz ərazidə
olan ekoloji cığır haqqında məlumat ala bilərsiniz. Qarşılaşacağınız təhlükə və
hündürluk haqqında məlumatı əldə edəcəksiniz eyni zamanda gediləcək yerin foto şəkillərini
görmüş olacaqsınız.
Qeyd edək ki, tətbiqə turistlər üçün manual olaraq əlnən
cığır çəkilməsi və yaxud gps vasitəsi ilə getdikləri cığırı elektron verisiyada
hazırlanması kimi funksiyaları əlavə olunub.
Xəbərdən istifadə edərkən istinad etmək vacibdir.
