"Freedom House” hüquq müdafiə təşkilatı dünyada internet azadlığının vəziyyəti ilə bağlı növbəti hesabatını açıqlayıb.

Rusiya Federasiyası "qismən azad” ölkələr sırasından "qeyri-azad” ölkələr sırasına düşüb.  

Hesabatda dünya üzrə internet istifadəçilərinin 88%-ni əhatə edən 65 ölkədəki vəziyyət araşdırılıb. Hər ölkəyə internetin nə dərəcədə azad olmasını əks etdirən ballar verilib. Sıfır bal maksimal azadlıq, 100 bal isə maksimal qeyri-azadlığı ifadə edir. Təşkilat dövlətləri 3 kateqoriyaya ayırıb – "azad”, "qismən azad” və "qeyri-azad”.

2015-ci ildə Rusiya 62 balla qeyri-azad ölkələrin sırasına yuvarlanıb. "Fredoom House” hesab edir ki, Rusiya internet məkanında yalnız satira və etnik azlıqlar mövzusunun müzakirəsi sərbəstdir, digər istiqamətlər isə senzuraya məruz qalır. Bu sıraya hakimiyyətin tənqidi, hərbi münaqişələr, müxalifət, etiraz aksiyaları, seksual azlıqların hüquqları, sosial sahəyə aid məsələlər və din əleyhinə mövzular daxildir.(azvision)