Kəsildiyi, ya da gövdəsinə zərbə vurulduğu zaman qırmızı rəngli bir maye axıdan bu maraqlı və sirli ağac Somalinin Hind okeanı sahilində bitir. Ağacdan süzülən qan rəngli maye isə min bir dərdin dərmanı adlandırılır.
"Dragon" ("Əjdaha") ağacları suyu qırmızı - qan rəngi olan ağaclar sinfindəndir. Gövdələri zədələndiyi zaman sızan qırmızı qan rəngi suya görə ona bu ad verilib.
Son illərdə aparılan elmi araşdırmalar zamanı isə daha bir maraqlı fakt aşkarlanıb. Belə ki, ağacın şirəsinə qırmızı rəngi verən maddə insan və heyvanların qanındakı hemoqlobinlə eyniyyət təşkil edir.
Bu qatrana olan sıx tələbə görə təəssüf ki, plansız olaraq həyata keçirilən kəsimlər ağacların sonunu yaxınlaşdırır. İndiki vaxtda isə səlahiyyətlilər artıq çox nadir olan bu möcüzəvi "Əjdaha qanı ağacı"nı qoruğa salıblar. Ağaclar artıq çox ciddi şəkildə qorunur.
Bu ağacdan əldə edilən qiymətli qırmızı rəngli qatran yalnız müəyyən dövrlərdə və müəyyən miqdarlarda alına bilir.
Qatranın bir damlası 3 bütöv almadan daha çox anti-oksidant daşıyır.
/xezerxeber.com/
Xəbərdən istifadə edərkən istinad etmək vacibdir.
