Qarabağı geri qaytar, Sərkisyan. Sən terrorçusan. Qarabağ qaytarmasan, nə baş verəcək, özün bilirsən.
Bu sözlərlə Ermənistan prezidentinə müraciət edən Ucar sakini 9 yaşlı Mehdi Həsənovun videosu yenidən gündəmə gəlib və internetdə izlənmə rekordları qırır. "Xəzər Xəbər” artıq Azərbaycana köçən həmin ailəni tapıb və Mehdinin vətənpərvərliyinə görə ermənilərin Rusiyada onların başına gətirdikləri oyunları üzə çıxarıb.
Bir müddət Rusiyanın Həştərxan şəhərində yaşamalı olan Mehdi Həsənovun bu videosunun ən az ordakı sözlər qədər böyük tarixçəsi varmış. Belə ki, Mehdi Rusiya kanallarında guya azərbaycanlıların erməni uşaqlarını öldürməsi xəbərini eşidir. Bundan sonra atasından bunun səbəbini soruşur. Atası Mais Həsənov əsl həqiqəti oluna başa salır. Bundan sonra Mehdi məktəbdə sinif yoldaşlarına ermənilərin azərbaycanlıları öldürdüyünü izah edir, hətta rayonların işğal tarixlərində məktəbdə bir neçə etiraz aksiyası da təşkil edir.
Ən maraqlı məqam isə Mehdinin kiçik yaşında keçirdiyi bu aksiyalara görə ailənin başına gələnlərdir. Oradakı ermənilər müxtəlif yollarla ailəyə təzyiq göstəriblər. Hətta ailə başçısı məktəbə dəvət olunaraq təhdid edilib.
Bu barədə hələ o zaman mediada məlumatlar da yayılıb.
Nəhayət, yaxınlarının köməkliyi ilə çətinliklə həbsdən çıxan ailə Azərbaycana qayıdıb. İndi Ucarda rusdilli məktəbdə oxuyan Mehdidən təhsil müəssisəsinin direktoru da razılıq edir. O, Mehdinin digər uşaqlardan seçildiyini deyir.
Qeyd edək ki, bir müddət əvvəl yayılan bu video böyük əks-səda doğurmuş, ailənin buna görə təzyiqlərlə üzləşdiyi bildirilmişdi.

Xəbərdən istifadə edərkən istinad etmək vacibdir.