İngiltərəli qadın eyni anda həm xərçəng, həm də hamilə olduğunu öyrənib.

Xeberle.com xarici mediaya istinadən xəbər verir ki, ingiltərəli qadın Abbiy Kolvin 2 il öncə, 19 yaşında ikən yaşadığı narahatlıqla əlaqədar olaraq həkimə müraciət edib. Cinsi əlaqədə olarkən qan axıntısını görən qadın bundan  narahat olsa da, həkim onun sistit olduğunu və məhz bu səbəbdən də belə əlamətlə qarşılaşdığını söyləyib. Lakin narahatlığı getdikcə artan qadın testdən keçməli olub. Test nəticəsində isə qadının uşaqlıq yolu xərçəngi olduğu öyrənilib.
 

Kimyaterapiyaya başlamazdan öncə isə qadından sidik analizi istənilib. Bu zaman isə ilk xəbərdən pis olan 19 yaşlı Kolvin daha da şoka düşüb. Hamilə olduğunu öyrənən qadın onu dünyaya gətirmək və xərçənglə mübarizə aparmaq üçün lazım olan tədbirlərdən imtina etmək qərarını verib. Ötən il övladını dünyaya gətirərək ona Oskar adını verən qadın xərçənglə mübarizə aparmaq üçün kimyaterapiyaya yollanıb. Kolvinin səhhətində müəyyən problemlər yaransa da, o xərçəngə məğlub olmayacağını, övladı üçün yaşayıb mübarizə aparacağını deyib.