İqtisadi Zonaların İnkişafı Agentliyinin nəzdində Peşə Təhsil Mərkəzində Tələbə Gənclər Təşkilatı (TGT) ilə geniş tərkibdə görüş keçirilib.
Xeberle.com xəbər verir ki, görüş zamanı İqtisadi Zonaların İnkişafı Agentliyinin nəzdində Peşə Təhsil Mərkəzinin direktoru Kənan Bağırov Tələbə Gənclər Təşkilatının (TGT) Mərkəzdə ilk dəfə olaraq yaradılması, onun fəaliyyətə başlamasının əhəmiyyəti və fəaliyyət istiqamətləri haqqında ətraflı məlumat verib. O, vurğulayıb ki, TGT-nin əsas məqsədi ölkədə həyata keçirilən gənclər siyasətinə dəstək vermək, tələbələrin maraqlarını təmsil və müdafiə etmək, ictimai, mədəni, sosial, elmi həyatlarında tələbələrin fəal iştirakını təmin etməkdir.
Daha sonra qarşıda duran əsas vəzifələr, tələbələrin asudə vaxtlarının səmərəli təşkili, eləcə də onların inkişafı üzrə görüləcək tədbirlər haqqında məlumat verilmiş və müzakirələr aparılmışdır.
Xəbərdən istifadə edərkən istinad etmək vacibdir.
