İqtisadi Zonaların İnkişafı Agentliyi nəzdində Peşə Təhsil Mərkəzində Ulu Öndər Heydər Əliyevin anadan olmasının 101 illiyinə həsr olunmuş tədbir keçirildi. Tədbir Azərbaycan Respublikası Dövlət himni ilə başlamış, Ulu Öndərin və ölkəmizin ərazi bütövlüyü və suverenliyi uğrunda şəhid olmuş Vətən övladlarının xatirəsi birdəqiqəlik sükutla yad edilmişdir.
Tədbirdə çıxış edən İqtisadi Zonaların İnkişafı Agentliyinin Sədr müavini Fuad Məhərrəmov müasir Azərbaycan dövlətinin memarı və qurucusu, xalqının və dövlətinin müstəqilliyi, inkişafı naminə böyük və əvəzedilməz işlər görmüş Heydər Əliyevin hər zaman fəxr edəcəyimiz, qürur hissi ilə xatırlayacağımız dahi şəxsiyyət olmasından, Azərbaycana və regiona sülh, sabitlik və davamlı inkişaf gətirmək yolunda atdığı qətiyyətli addımların onun beynəlxalq səviyyədə siyasi və ictimai xadim kimi birmənalı şəkildə qəbul edilməsini şərtləndirən həlledici amillər olmasından, bu gün Ümummilli Liderin ideyalarının Prezident İlham Əliyevin gərgin əməyi və fəaliyyəti sayəsində uğurla inkişaf etməsindən bəhs etmişdi. Abşeron-Xızı Regional Gənclər və İdman İdarəsinin baş məsləhətçisi - Həsən Həsənli də öz növbəsində, bu gün gənc nəslin düzgün yetişdirilməsi ölkə siyasətində önəmli yer tutması və əsası ümummilli lider Heydər Əliyev tərəfindən qoyulan dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsinin bu gün Azərbaycan gəncləri bütün sahələrdə özlərini doğrultduqları haqqında danışdı. Tədbirin bədii hissəsində Mərkəzin tələbələrinin ifasında şeirlər, rəqs və musiqi nömrələri təqdim olundu.
Xəbərdən istifadə edərkən istinad etmək vacibdir.
