Bu günlərdə Azərbaycan Prezidenti İlham Əliyev təhsil işçilərinə fəxri adların verilməsi ilə bağlı sərəncam imzalayıb. Azərbaycan Respublikası Konstitusiyasının 109-cu maddəsinin 32-ci bəndini rəhbər tutan dövlət başçısı təhsilin inkişafındakı xidmətlərinə görə bir qrup təhsil işçilərini "Əməkdar müəllim” fəxri adı və "Tərəqqi” medalı ilə təltif edib. Təltif edilənlər sirasında Sumqayıt şəhərinin təhsil işçiləri də var. Onlardan iki nəfər 21 saylı orta məktəbin təlim-tərbiyə işləri üzrə direktor müavini İsmayılov Gülağa Gülü oğlu və 7 saylı orta məktəbin müəllimi Camalova Sona Məşi qızı "Əməkdar müəllim” fəxri adına layig görülüb. 2 saylı "Uşaq və idman məktəbi”nin direktoru Novruzov Qismət Əlikişi oğlu isə "Tərəqqi”medalı ilə təltif edilib.
Xeberle.com