Bu gün Sumqayıt şəhər İcra Hakimiyyətinin Başçısı Zakir Fərəcov təhsil şöbəsində olub. İcra başçısı şöbənin əməkdaşları ilə tanış olub və onların fəaliyyəti ilə maraqlanıb. Bu barədə Xeberle.com-a Sumqayıt Təhsil şöbəsinin metodisti, Əlhəddin Cekli-Paşayev məlumat verib. Onun sözlərinə görə, icra başçsının gəlişi bütün əməkdaşlar tərəfindən sevinc hissi ilə qarşılayıb: "Onun bir rəhbər kimi üz-üzə dialoq formasında təşkil etdiyi bu görüş həqiqətən birinci dəfədir ki, müşahidə etdik. Belə bir görüş təhsil şöbəsində demək olar ki, heç vaxt olmayıb. Doğrusunu deyim ki, cənab başçı tərəfindən belə bir görüşün olması onun müəllimlərə qarşı olan səmimiyyəti, diqqəti və qayğısından irəli gəlir. Biz təhsil işçiləri (məsələn şöbənin metodistlərindən Sona Umudova, Gülbahar Haqverdiyeva və başqaları) cənab Başçının tövsiyyələrini əsas tutaraq, ona dəstək olduqlarımızı bildirdik. Əminik ki, cənab Zakir Fərəcov daim müəllimlər ordusuna arxa -dayaq olacaqdır.”