Prezident İlham Əliyev "Ən yaxşı müəllim” müsabiqəsinin qaliblərinin mükafatlandırılması haqqında Sərəncam imzalayıb.

"Xeberle.com" Prezidentin saytına istinadla xəbər verir ki, Sərəncama əsasən, 2014/2015-ci tədris ilində keçirilmiş "Ən yaxşı müəllim” müsabiqəsində müvəffəqiyyət qazandıqlarına görə müəllimlər 5000 (beş min) manat məbləğində birdəfəlik pul mükafatı ilə mükafatlandırılacaqlar. Mükafatlandırılanlar sırasında Sumqayıt müəllimləri də var.

Belə ki, İsmət Qayıbov adına 1 saylı tam orta məktəbin müəllimi Əhmədova Aliyə Fərman qızı, Təbiət Elmləri Təmayüllü Gimnaziyanın müəllimi Ramazanova Yeganə Sətdar qızı, 25 saylı orta məktəbin müəllimi Cəfərova Cəmalə Fərəməz qızı və 29 saylı məktəbin müəllimi Quliyeva Xəyalə Xeyrullah qızı bu mükafata layiq görülüblər.

Xeberle.com