Bu gün ali məktəbə qəbul imtahanlarında ən yüksək nəticə göstərən 4 abituriyent Sumqayıtda şəhərinin xəbər saytı olan Xeberle.com-un iş fəaliyyəti
ilə tanış olublar.
Xeberle.com-un həmtəsisçisi Kamal Almuradlı ilk
olaraq gəncləri ali məktəblərə qəbul imthanlarında göstərdikləri yüksək nəticələr münasibəti ilə təbrik edib və onlara tələbə həyatında uğurlar arzulayıb.
K. Almuradlı Sumqayıtın informasiya məkanında önəmli
rol oynayan saytın fəaliyyətindən danışıb, iş prinsipi haqqında geniş məlumat
verib.
Abituriyentlər göstərilən diqqətə görə sayt rəhbərliyinə
minnətdarlıqlarını bildiriblər.
Sonda Sumqayıtın adını uca edən ən yüksək nəticə göstərən abituriyentlərlə tanış olaq:
Texniki və Təbiət Elmləri Liseyinin məzunu Elgün Cəfərov - 696 bal
34 saylı məktəbin məzunu Fidan İbrahimova - 692 bal
Təbiət Elmləri Təmayüllü Gimnaziyanın məzunu Səbuhi İmanlı - 691 bal
Təbiət Elmləri Təmayüllü Gimnaziyanın məzunu Könül Mehdiyeva -690 bal
Xatırladaq ki, bu il ali məktəblərə qəbul imtahanlarında Sumqayıt şəhəri üzrə 600-dən çox bal toplayanların sayı 139 nəfərdir.
Onlardan 650-dən çox bal toplayanların sayı isə 45 nəfərdir.
Xəbərdən istifadə edərkən istinad etmək vacibdir.
