Xeberle.com-un məlumatına görə, sumqayıtlı gənc Ramil Süleymanova beynəlxalq təşkilatda mühüm vəzifə verilib. Belə ki, bundan sonra R.Süleymanov BMT-nin Asiya və Sakit okean hövzəsi üzrə İqtisadi və Sosial Kommisiyası və İnformasiya Texnologiyalarının İnkişafı üzrə Asiya və Sakit Okean hövzəsi ölkələri Təlim Mərkəzinin birgə yaratdığı Hökumət Liderlərinin İnkişaf Akademiyasında ''Təlimlər, analiz və inkişaf meneceri'' vəzifəsində çalışacaq. Bu proqram çərçivəsində Dövlət Qurum nümayəndələrinə təlimlər keçiriləcəkdir.

Qeyd edək ki, Ramil Süleymanov 2013-cü ildə bu proqram çərçivəsində Elektron hökumət və onun iş prisnipləri üzrə tam təlim kursunu müvəffəqiyyətlə bitirmiş və bu qurumla əməkdaşlıq etmişdir. Sözügedən təşkilat 2006-cı il 16 iyun tarixində Koreya respublikasında yaradılmışdır. Qurumun Tailand və Honkoqda ofisləri mövcuddur.