Xeberle.com-un məlumatına görə, 8 məktəbdə obyektiv səbəblərdən belə siniflərin açılması mümkün olmayıb. Belə ki, şəhərin 7, 32, 37, 40, 41, 42, 43 nömrəli tam orta məktəbləri və İnteqrasiya təlimli internat tipli gimnaziyanın X sinfində yalnız adi siniflərin fəaliyyət göstərməsi nəzərdə tutulur. 13 məktəbdə yalnız təmayül siniflərinin, 27 məktəbdə isə həm təmayül, həm də adi siniflərin açılması planlaşdırılır. Ümumilikdə 87 təmayül sinfi, o cümlədən 32 kombinə edilmiş təmayül siniflərinin fəaliyyətə başlaması nəzərdə tutulub. Bu siniflərdə şagird sayı 2086 nəfər təşkil edir.
Şəhər üzrə IX sinif şagirdlərinin təxminən 57%-i təmayül siniflərində təhsil alacaqdır. 887 nəfər isə, yəni IX sinif şagirdlərinin 24%-i adi siniflərdə təhsillərini davam etdirəcəkdir.
Qeyd edək ki, bu şagirdlər 41 sinifdə komplektləşdirilib.
Dərsədənkənar məşğələlər isə bütün məktəblərdə təşkil edilir.
Elnarə Salamova
Xeberle.com

Xəbərdən istifadə edərkən istinad etmək vacibdir.