2017-ci il noyabrın 4-də və 11-də "Təhsildə inkişaf və innovasiyalar üzrə birinci qrant müsabiqəsi”nin fərdi kateqoriya üzrə qalibi olmuş "Şagirdlərin imtahanöncəsi psixoloji gərginliyinin azaldılmasına dəstək” layihəsi çərçivəsində növbəti təlimlər keçirilib.Təlimlərdən öncə şagirdlərin təşviş və həyəcanının səviyyəsinin ölçülməsi üçün test aparılıb. Layihənin həyata keçirilməsində əsas məqsəd 11-ci sinif şagirdlərinin imtahanöncəsi psixoloji cəhətdən hazırlığı, stresin və həyəcanın dəf olunması və onlarda özgüvənin (özünə inamın) artırılmasıdır. İsmayıllı rayon3 və 5 nömrəli məktəbdə keçirilən təlimlərdə məktəb direktorları,əməkdar müəllim Əhmədağa Ələkbərov, Elçin Məmmədov, direktor müavini E.Babayev, təlimçi, ən yaxşı müəllim müsabiqəsinin qalibi Leyla Babayeva, psixoloqlar B.Zümrüd və H.Zeynəb və 11-ci sinif şagirdləri iştirak edirdilər.Təlimlərə 1 saylı məktəbin azərbaycan və rus bölmələrinin könüllüləri A.Səfərova, A.Piriyev, L.Hacızadə,A.Ələskərli də qatılmışdılar.Bu könüllülər artıq layihə çərçivəsində yaradılmış "Gənc Psixoloqlar” mərkəzinin üzləridirlər.Təlimlər məktəblilər tərəfindən rəğbətlə qarşılandı.Layihənin davamlılığı ilə maraqlanan şagirdlər bloq ünvanımızı qeyd etdilər və mütamadi olaraq əlaqə saxlamaq istəklərini bildirdilər.Layihə çərçivəsində növbəti təlimin təşkili və yüksək həyəcana malik şagirdlərin valideynlərləri ilə müvafiq iş aparılması noyabr ayının 25-də keçirilməsi planlaşdırılır. Həyata keçiriləcək layihə çərçivəsində rayon tam orta məktəblərində təlimlər keçirilməsi nəzərdə tutulur ki, bununla 300 nəfər abituriyent imtahanqabağı həyəcanına qalib gələ biləcək və uğur qazanacaq.Onlara davamlı olaraq özünə hörmət,öz həyatının necə qiymətli olduğu aşılanacaq.Eyni zaman da hər bir təhsil müəssisəsində davamlı təlimlər keçirilməsi məqsədi ilə könüllülər seçilərək "Gənc Psixoloqlar” mərkəzi yaradılır.Artıq Veb 2.0 və Veb 3.0 alətlərinin köməyi ilə internet bloq yaradılmışdır, görülən işlər həmin internet səhifəsində öz əksini tapacaq.Bununla yanaşı digər pedaqoji işçiləri və gəncləri bu sahədə məlumatlandırmaq və aktivləşdirmək məqsədi ilə keçiriləcək aksiyada hazırlanmış maarifləndirici ,informativ bukletlər paylanılması, "Abituriyentin dostu” adlı kitabça çap olunması, ictimai əlaqələr(PR) sahəsində işlər görülməsi də nəzərdə tutulmuşdur.Təlim məktəbin abituriyentləri üçün imtahanöncəsi gərginlikdən necə can qurtarmaq barəsində maraqlı disskussiya, yarış və oyunlardan təşkil olunub. Təlim zamanı şagirdlər üçün vizualizasiya yolu ilə keçirilən "10 il sonra Mən” başlıqlı fəaliyyət onlarda böyük maraq yaradıb. Daha sonra əvvəlcədən keçirilmiş və psixoloq rəyi əsasında müəyyən olunmuş həyəcan və təşviş sorğusunun nəticələrinə görə daha çox həyəcana malik olan abituriyentlərlə müvafiq iş aparılıb.

Fərdi kateqoriyada Pərvanə Piriyevanın rəhbərliyi ilə qalib olmuş layihənin icra müddəti 3 ay, 22 sentyabrdan-22 dekabra kimidır.

Qeyd edək ki, Təhsildə inkişaf və innovasiyalar üzrə birinci qrant müsabiqəsi Azərbaycan Respublikası Təhsil Naziriyi tərəfindən dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilmişdir. Müsabiqə çərçivəsində ümumi təhsil müəssisələri kateqoriyası üzrə təklif olunmuş 78 layihədən 37-si, fərdi kateqoriya üzrə isə 213 layihədən 83-ü olmaqla ümumilikdə 120 layihə qalib elan edilib.