Gənclər və İdman Nazirliyinin dəstəyi ilə Gənc İstedadlara Dəstək Fondu tərəfindən həyata keçirilən "Gənclik Gələcəyimizdir” devizi altında Yay Düşərgəsi davam edir.
Növbəti qrupun iştirak etdiyi düşərgə gənclərin vaxtının səmərəli keçirilməsi məqsədi daşıyır.
Əvvəlcə Sumqayıt şəhərində yerləşən Heydər Əliyev Mərkəzində olan gənclərə burada layihə barədə ətraflı məlumat verilib, ölkəmizdə həyata keçirilən gənclər siyasəti, gənclərimizin uğurları ilə bağlı müzakirələr aparılıb.
Daha sonra gənclər Quba rayonuna yola düşüblər.
Burada gənclər Heydər Əliyev Mərkəzində, Gənclər Evində və azərbaycanlılara qarşı XX əsrin əvvəllərində törədilmiş soyqırım qurbanlarının məzarlığında olublar. Layihə iştirakçılarına faciə, onun miqyası haqda məlumatlar verilib.
Düşərgə Quba rayonunda təbiət qoynunda yerləşən istirahət mərkəzlərindən birində davam edib. Burada müxtəlif intellektual və əyləncəli oyunlar keçirilib, gənclərin maraqlı və səmərəli istirahəti təşkil olunub.

Xəbərdən istifadə edərkən istinad etmək vacibdir.