Sumqayıtda fəaliyyət göstərən Təbiət Elmləri Təmayüllü Liseyin 2
şagirdi beynəlxalq olimpiadada iştirak ediblər.
Xeberle.com-un məlumatına görə, şagirdlər Müstəqil Dövlətlər Birliyi
ölkələri arasında keçirilmiş
"İstedadlıların hazırlığı laboratoriyası" adlı Beynəlxalq
Olimpiadada xüsusilə fərqləniblər.
Liseyin 10-cu sinif şagirdləri Banu
Nəbili 2-ci yerə ( gümüş medal), Miranə Qəvami 3-cü yerə (bürünc medal) layiq
görülüblər.
Qeyd
edək ki, bu, həmin şagirdlərin ilk uğurları deyil. Belə ki, Banu Nəbili bundan əvvəl,
SDU-nun 55 illiyinə həsr edilmiş kimya-biologiya olimpiadasında 2-ci yeri
tutub.
O həmçinin, Azərbaycan Dillər
Universitetində keçirilmiş ingilis dili konfransında sertifikat əldə edib və İBO-nun (dünya olimpiadası) finalçısı,
Respublika fənn olimpiadalarının iştirakçısı olub.
Miranə Qəvami isə daha əvvəl Xəmsə Milli intellektual oyununda 1-ci
yer (şəhər çempionu), Breyn-Rinq intellektual oyununda 1-ci yer (şəhər
çempionu), "Nə? Harada?,Nə zaman?" İntellektual oyununda Sumqayıt şəhəri
üzrə 2-ci yerə (gümüş medal) layiq görülüb, "Ölkəmizi Tanıyaq”
yarışmasında qalib olub.
Bununla yanaşı, M. Qəvami "Xəmsə" Milli İntellektual
oyununun (İctimai TV) yarımfinal iştirakçısı,
"Sabahın alimləri” VI Respublika yarışı və SDU Biologiya olimpiadasında
iştirakçı, İBO Beynəlxalq dünya olimpiadasının final iştirakçısı olub və "Ədəbiyyat biliciləri” müsabiqəsindən fəxri fərman
əldə edib.
Elnarə Salamova
Xeberle.com
Xəbərdən istifadə edərkən istinad etmək vacibdir.
