Bakıda, Cəmşid Naxçıvanski adına hərbi liseydə gənclərin vətənpərvərlik tərbiyəsində müstəsna əhəmiyyəti olan, əsasnaməsi 7 nazirlik tərəfindən təsdiq olunmuş «Şahin» hərbi-idman oyunlarının Respublika üzrə final turu keçirilib.
Mayın 10-da həlledici mərhələdə qələbə uğrunda 19 şəhərin komandası mübarizə aparıb. Sumqayıt şəhərini Təbiət Elmləri Təmayüllü Gimnaziyanın "Şahinlər" komandası təmsil edib. Gərgin mübarizədən sonra Sumqayıtın "Şahinlər" kollektivi bütün rəqiblərini qabaqlayaraq Respublika çempionu olublar. Yasamal rayon komandası II yerə, Quba rayon komandası isə III yerə layiq görülüb.
"Gənclər şəhəri"nin məktəbliləri ilk dəfə olaraq 14 qızıl medalı Sumqayıta gətiriblər.
Xeberle.com
Xəbərdən istifadə edərkən istinad etmək vacibdir.
