Milli Məclisin deputatı Tahir Mirkişili Sumqayıtda ali məktəblərə 300-dən az bal toplayaraq qəbul olan məzunlarla görüş keçirib.
Sumqayıtda ali məktəblərə qəbul olan tələbələrə şəhər rəhbərliyi tərəfindən hər zaman diqqət və qayğının göstərildiyini qeyd edərək, bu il fərqli format seçdiyini bildirdi. Ölkəmizdə ənənəvi olayaq yüksək balla ali məktəblərə qəbul olan tələbələrlə yanaşı aşağı bal toplayan tələbələrlə görüş də maraqlı diskussiya şəraitində keçib.
Görüşdə Prezident İlham Əliyevin rəhbərliyi ilə Azərbaycanda iqtisadiyyatın və texnologiyaların sürətli inkişafından danışan Tahir Mirkişili dünyada baş verən 4-cü sənaye inqilabı şəraitində gələcəyə yönəlik ixtisaslı kadrlara böyük ehtiyac duyulduğunu xüsusi vuğulayıb. Müasir dünyada əsas tələbin diploma deyil, yüksək bilik və bacarıqlara olduğu, bunun üçün isə gənclərin səylə çalışmalı olduqları qeyd edilib. Azərbaycan ali məktəblərində yaradılan lazımı şəraitdən danışan deputat, Sumqayıt şəhərində sənayenin inkişafına diqqət çəkərək, gənclərin də ixtisas seçimində və karyera məsələlərində buna xüsusi diqqət yetirmələrini vurğulamış və onlara irəlidəki tədris ilində uğurlar arzulayıb.
Sonda tələbələrə innovativ hədiyyələr təqdim olunub.
Xəbərdən istifadə edərkən istinad etmək vacibdir.
