SOCAR-ın Təlim, Tədris və Sertifikatlaşdırma İdarəsinin Sumqayıt Təlim mərkəzlərində ixtisaslı fəhlə kadrlarının hazırlanması üzrə 2018-2019-cu illər üçün tədris prosesinə start verilib.
Xeberle.com xəbər verir ki, yeni tədris ilinin açılışı münasibətilə Sumqayıt Təlim-tədris mərkəzində keçirilən tədbirdə Təlim, Tədris və Sertifikatlaşdırma İdarəsinin rəisi Fuad Süleymanov, SOCAR-ın Kadr rejim və informasiya texnologiyaları üzrə vitse-prezidentinin müşaviri İlkin Aslanov, "Azərikimya” İB-nin Etilen-polietilen zavodunun direktoru Oqtay Niftəliyev və Karbamid zavodunun baş mühəndisi Bəxtiyar Məmmədov çıxış edərək SOCAR-da peşə təhsili sahəsində görülən işlərdən, əldə olunan uğurlardan söhbət açıb və yeni tədris ili münasibətilə şagirdləri təbrik ediblər.
Bu ilin qəbul prosesində yüksək bal toplayan "Kimyəvi analiz laborantı” qrupunun şagirdi Fatma Babayeva çıxış edərək, onlar üçün yaradılan şəraitə, diqqətə və qayğıya görə dövlətimizə və SOCAR rəhbərliyinə dərin təşəkkürünü bildirib, bütün şagirdlər adından tədris prosesində yüksək nailiyyətlər əldə edəcəklərinə söz verib.
Tədbirin sonunda şirkətin rəhbər şəxsləri qəbul prosesində yüksək bal toplayan şagirdlərə şagird vəsiqəsi təqdim ediblər.
Xəbərdən istifadə edərkən istinad etmək vacibdir.
