Xeberle.com-a verilən məlumata görə, bilik yarışında çıxış edən Yeni Azərbaycan Partiyası Sumqayıt şəhər Təşkilatının sədr müavini Vəzirxan Ənsərov, Baş İdarənin Təşkilatı iş və təsərrüfat sektorunun müdiri Rüfət Mahmudzadə, Təhsil şöbəsinin Metodiki kabinetinin direktoru Gülbahar Haqverdiyeva, Abşeron rayon Təhsil şöbəsinin metodisti Könül Nəcəfova, Qubadlı rayon Təhsil şöbəsinin Metodiki kabinetin direktoru Araz Abbasov iştirakçıları salamlayaraq, Dövlət Bayrağı və Konstitusiyamızın yaranma tarixindən danışıblar, qarşıdan gələn hər iki əlamətdar gün münasibətilə iştirakçıları təbrik ediblər. Bildirilib ki, müsabiqənin keçirilməsində məqsəd "Azərbaycan gəncliyi 2017-2021-ci illərdə” Dövlət Proqramından irəli gələn vəzifələri icra etmək, məktəblilər arasında dövlət rəmzlərini təbliğ etmək, vətənpərvərlik və vətəndaşlıq tərbiyəsi işini gücləndirmək, onların hüquqi maarifləndirilməsi, intellektual səviyyəsini, dünya görüşünü, zehni inkişafını stimullaşdırmaq, gənclər arasında elmin nüfuzunu artırmaq, asudə vaxtlarının səmərəli təşkili istiqamətində yeni üsullar tətbiq etməkdir.

Müsabiqədə Sumqayıt şəhərindən, Qubadlı və Abşeron rayonlarından 100-ə yaxın orta ümumtəhsil məktəbin IX-XI sinif şagirdləri öz bilik və bacarıqlarını sınayıb. Gərgin şəraitdə keçən bilik yarışının sonunda IX siniflər arasında I yerə Sumqayıt şəhər 6 saylı tam orta məktəbin şagirdi Kifayət Qasımova, II yerə Sumqayıt şəhər TET Gimnaziyanın şagirdi Rüstəm Pənahlı, III yerə Sumqayıt şəhər 19 saylı tam orta məktəbin şagirdi Nərmin Mirzəliyeva, X siniflər arasında I yerə Sumqayıt şəhər 39 saylı tam orta məktəbin şagirdi Səyyad Ələkbərov, II yerə Sumqayıt şəhər 9 saylı tam orta məktəbin şagirdi Xanımqız Aslanova, III yerə Ceyranbatan qəsəbəsi 2 saylı tam orta məktəbin şagirdi Abbas Bağırov, XI siniflər arasında I yerə Sumqayıt şəhər 10 saylı tam orta məktəbin şagirdi Zinyət Paşazadə, II yerə Qubadlı rayon İşıqlı kənd orta məktəbin şagirdi Şükufə Məmmədzadə, III yerə Qubadlı rayon Qaralar kənd orta məktəbin şagirdi Dəyanət Məmmədzadə layiq görülüblər. Qaliblərə Baş İdarənin fəxri fərman və hədiyyələri, həmçinin hər bir iştirakçıya Konstitusiya kitabı təqdim edilib.