Ekspert həmçinin bildirdi ki, bu gün Azərbaycan orta ümumtəhsil məktəbində psixoloq işləmək adi bir şeydir, hətta işsizlikdən gedib psixoloq olanlar da az deyil.

Bu ondan irəli gəlir ki, bu gün psixoloqun orta aylıq əməkhaqqı miqdarı 165 manatdır və psixoloqların işə qəbulunda heç bir diaqnostik qiymətləndirilmə imtahanları keçirilmir. Məktəblərimizdədövlətin tələb etdiyi standartlara cavab verən psixoloqlarımız yoxdur.

Psixologiya çox gəlirli sahədir. Uşaq psixoloqları bir dəfə seans üçün azı 20 manat pul istəyirlər. Həftədə azı 2 seans lazımdır. Bu da ayda 600 manat pul edir. Orta məktəblərdə isə buna görə mütəxəssisə ən çox 200 manat verirlər. Savadlı kadr bu maaşla işləməz. Məsələni tənzimləmək üçün bu gün məktəblərdə xüsusi katiqoriyalı ailələrə güzəşt edilməklə ödənişli psixoloji xidmətlər göstərilməlidir. Belə olduğu halda təbii ki, gəlir yeri olan psixoloq da işinə məsuliyyətlə yanaşacaq.

Bu sahədə dəyişiklik edib, nailliyyət əldə etmək istəyiriksə, bu sahə üzrə təhsil nazirliyi ilə bərabər, səhiyyə, habelə əmək və əhalinin sosial müdafiəsi nazirlikləri də problemin həllində maraqlı olmalıdırlar ki, şagirdlərin psixolji vəziyyəti, fiziki inkşafı ilə əlaqəli olan məsələlər öndə dayansın.

Təbii ki, bu gün psixoloq yetişdirən ali təhsil ocağı da işində ciddi dəyişiklik etməlidir. Reallıq ondan ibarətdir ki, bu gün orta məktəbdə işləyən psixoloqun özünə də psixoloq lazımdır. Bəzisinin özündə psixoloji çatışmazlıq var. Belə olan halda da onlar şagirdlərdə psixoloji travma yaradırlar.

Həkimin bir səhvi ilə xəstə həyatını itirər, mina axtaran səhv məlumat versə, bir ailə məhv olar, təhsildə edilən səhvə görə bütün cəmiyyət korlanmış olur.

Xədicə Səxavət

Xeberle.com