Növbəti ildən buraxılış imtahanlarında dəyişikliklər olacaq.

AzVision.az-ın məlumatına görə, bu barədə TQDK sədri Məleykə Abbaszadə məlumat verib.

Bildirib ki, həm 9 illik, həm də 11-illik üzrə buraxılış imtahanlarında yeni fənnlər əlavə ediləcək.

“Gələn il 9-cu sinif buraxılış imtahanlarında Azərbaycan tarixi, 11-ci sinif buraxılış imtahanında Azərbaycan tarixi və ya kimya fənni əlavə ediləcək. Bu fənnlər seçim əsasında olacaq. 

Şagirdlər bu iki fəndən hansını istəsələr seçə biləcəklər. Artıq bu dəyişikliklərlə bağlı Təhsil Nazirliyi və eskpertlərlə məsləhətləşmələr aparılıb. Ədliyyə Nazirliyində də işlər aparılacaq”. 

M.Abbaszadə onu da bildirdi ki, bu il 9 illik bazada aparılan buraxılış imtahanlarının nəticələri əsasında növbəti ildən 11-ci siniflər üzrə də buraxılış və qbul imtahanlarının birləşdirilməsinə baxılacaq.

TQDK sədri həmçinin Bakı Şəhər Təhsil İdarəsi tərəfindən keçirilən Müəllimlərin Sınaq Qiymətlərindirilməsi prosesində TQDK-nın iştirak etmədiyini bildirib. 

Komissiya sədri qeyd edib ki, nəticələr məlum olduqdan sonar TQDK birgə müzakirələrdə iştirak edə bilər.

“Lakin statistik məlumatlar əldə edildikdən sonra birgə müzakirə də yəqin ki, biz də iştirak edəcəyik. Əgər tədris prosesinin keyfiyyətini qaldırmaq istəyiriksə, müəllimlərin səviyyəsindən xəbərdar olmaq lazımdır”.