Mayın 31-də Sumqayıt şəhər 1 nömrəli tam orta məktəbdə keçirilən görüşdə Abşeron-Xızı Regional Təhsil İdarəsinin (RTİ) rəhbərliyi, Sumqayıt şəhərinin ümumtəhsil məktəblərinin direktorları və məktəbəqədər təhsil müəssisələrinin müdirləri iştirak ediblər.
Abşeron-Xızı RTİ-nin müdiri İlhamə Abdullayeva çıxış edərək yeni yaranan strukturun fəaliyyət istiqamətləri barədə ətraflı məlumat verib. Bildirib ki, təhsilin keyfiyyətinin yaxşılaşdırılması, idarəetmə sisteminin təkmilləşdirilməsi və müəllim-şagird-valideyn münasibətlərinin düzgün formalaşdırılması təhsil işçilərinin üzərinə düşən əsas vəzifələrdəndir.
Görüş zamanı IV siniflərdə milli qiymətləndirmənin keçirilməsi və imtahanların təşkili qaydaları, həmçinin tədris ilini yekununa dair görüləcək işlər barədə məktəb rəhbərlərinə müvafiq tapşırıq və tövsiyələr verilib.
Daha sonra ümumi və məktəbəqədər təhsil müəssisələrinin rəhbərləri ilə müəyyən məsələlər ətrafında müzakirələr aparılıb, onları maraqlandıran suallar cavablandırılıb.
Xəbərdən istifadə edərkən istinad etmək vacibdir.
