Xeberle.com-un əldə etdiyi məlumata görə, yoxlamalar təhsil müəssisələrində pedaqoji mühitin şəffaflaşdırılması, qanunsuz əməllərin qarşısının alınması və müvafiq tədbirlərin görülməsi məqsədi daşıyır.

Təhsil idarəsinin bu istiqamətdə növbəti yoxlama tədbiri Abşeron rayonu, Xırdalan şəhər 1 nömrəli tam orta məktəbdə aparılıb. Aparılan yoxlamalar zamanı adı çəkilən məktəbdə bir sıra qanun pozuntuları aşkar edilib. Bununla bağlı məktəb rəhbərliyinə xəbərdarlıq edilib, pozuntuların aradan qaldırılması ilə bağlı təcili tədbirlərin görülməsi istiqamətində tapşırıqlar verilib.

Yoxlamalar nəticəsində aşkar olunan qanun pozuntularına görə, həmin məktəbin 3 direktor müavininin Əmək Məcəlləsinin 70-ci maddəsinin "Ç” bəndinə əsasən işdən azad olunması, digər direktor müavinlərinin barəsində isə müxtəlif inzibati tənbeh tədbirlərinin görülməsi qərara alınmışdır.

Təhsil sahəsində idarəetmənin təkmilləşdirilməsi istiqamətində atılan addımlar, bu qəbildən regional təhsil idarələrinin yaradılması mütərəqqi addım hesab olunmalıdır.

Abşeron-Xızı Regional Təhsil İdarəsi təhsil müəssisələrində neqativ halların aradan qalıdırlması istiqamətində islahatları bundan sonra da davam etdirəcək.