Xidmət Sahələri üzrə Sumqayıt Dövlət Peşə Təhsil Mərkəzi 15 iyun - Milli Qurtuluş Gününə həsr edilmiş konfrans keçirib.
Tədbirdə mərkəzin rəhbər-pedaqoji heyəti və tələbə kontingenti iştirak ediblər.
Öncə iştirakçılar Ulu Öndər Heydər Əliyevin əziz xatirəsini ehtiramla yad ediblər.
Konfransı giriş nitqi ilə açan mərkəzin direktoru Gülşən Ömərova çıxış edərək, mərkəzin kollektivini və tələbələri bayram münasibətilə təbrik edib, Milli Qurtuluş Gününün Azərbaycanın müasir tarixinin ən əhəmiyyətli günlərindən biri olduğunu bildirib.
O qeyd edib ki, Azərbaycanın çağdaş tarixi Ulu Öndər Heydər Əliyevin 1993-cü ilin iyun ayında hakimiyyətə gəlməsi ilə bilavasitə əlaqədardır. Həmin dövrdə Azərbaycan böyük təhlükələrlə üzləşmiş, respublika parçalanmaq təhlükəsi ilə üz-üzə qalmışdı. Müstəqilliyin əvvəllərində Azərbaycanın anarxiya, parçalanmaq və məhv olmaq təhlükəsi, iqtisadi tənəzzül, beynəlxalq təcrid ilə üzləşdiyini diqqətə çatdıran Gülşən Ömərova Ümummilli Lider Heydər Əliyevin xalqın təkidli tələbi ilə hakimiyyətə qayıdışından sonra ölkəmizin bu bəlalardan xilas olaraq inkişaf yoluna qədəm qoyduğunu, respublikamızda mühüm siyasi və iqtisadi islahatların həyata keçirildiyini, neft strategiyasının reallaşdırıldığını, cəbhədə atəşkəsin əldə olunduğunu, nizami ordu quruculuğu prosesinə başlandığını, cəmiyyətin inkişafı üçün fundamental əsasların yaradıldığını bildirib.
Konfransı çıxış sözü ilə mərkəzin tarix müəllimi Akif Kazımov və tələbələri Emil Dirin, Aydan Səfərova davam edərək qeyd ediblər ki, Ulu Öndərin işləyib hazırladığı müasir, müstəqil dövlət quruculuğu konsepsiyası müasir Azərbaycanın zəfərlərinin bünövrəsində dayanaraq gələcək inkişafın, misli görünməmiş uğurların əsasını qoyub
Tədbirin sonunda Milli Qurtuluş Gününə həsr olunan videoçarx nümayiş edilib.
Xəbərdən istifadə edərkən istinad etmək vacibdir.
