Sumqayıt şəhəri 21 nömrəli tam orta məktəbdə ibtidai sinif şagirdlərindən pul yığıldığı iddia olunur.
Xeberle.com xəbər verir ki, bu barədə sosial şəbəkələrdə məlumat yayılıb. Bildirilir ki, tədris başlamasa da 3 və 4-cü siniflərinin birinci növbə olmağı üçün hər bir şagirddən 20 manat məbləğində pul yığılır.
Xeberle.com yayılan iddialara aydınlıq gətirmək üçün 21 nömrəli məktəbin drektoru Vladim İbrahimovla əlaqə saxlayıb.
Məktəb drektoru açıqlama verərək bildirdi ki, məktəbdə yeni tədris ilində 1-ci növbə 4-cü sinif yoxdur, hamısı ikinci növbə, 3-cü siniflərdən isə bəziləri səhər növbəsi olacaq: "Lakin neçə 3-cü sinfin səhər növbəsi olacağını hələ tam dəqiqləşdirməmişik. Növbə ilə əlaqəli pul yığılması məsələsi yoxdur. Hansı valideyn bunu deyir, hansı müəllim onlardan pul istəyibsə, zəhmət olmasa, ad soyadla təqdim etsin araşdıraq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
