Qarlı hava şəraiti ilə əlaqədar Sumqayıtda fəaliyyət göstərən ümumi təhsil məktəblərində
şagirdlərin dərsə davamiyyət göstəricisi digər günlərə nisbətən qismən aşağı
düşüb.
Bu barədə Xeberle.com-un sorğusuna cavab olaraq
Abşeron-Xızı Regional Təhsil İdarəsindən bildirilib.
Qeyd olunub ki, Sumqayıt şəhərində qarlı hava şəraiti şagirdlərin
dərsə davamiyyətinə müəyyən dərəcədə təsir edib: "Yolların buz bağlaması,
nəqliyyat vasitələrinin hərəkətində olan müəyyən gecikmələrin olması da davamiyyətə
təsir edir, lakin bununla belə məktəblərdə davamiyyət nəzarətdədir, dərslər
istiliklə təchiz olunan sinif otaqlarında əvvəlki qaydada keçirilir".
Qeyd edək ki, yanvarın 8-dən Sumqayıta qar yağır. Qeyri-sabit
hava şəraiti yanvarın 12-dək davam edəcək.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
