"Dekabrın 7-də Azərbaycanda baş vermiş zəlzələ zamanı Sumqayıt şəhərində təhsil müəssisələrində fövqəladə hallarla bağlı davranış qaydalarına uyğun olaraq, təkan hiss olunan ərazilərdə müəllim və şagird kollektivinin uyğun vaxt ərzində həyətdə öncədən müəyyən edilmiş, binadan aralı Toplanış məntəqələrində toplanması təmin olunub”.
Bunu Xeberle.com-a açıqlamasında Abşeron-Xızı regional təhsil idarəsindən bildirilib. Qeyd edilib ki, təhsil müəssisələrinin rəhbərliyi tərəfindən uşaqlara, şagird və valideynlərə həyəcanlanmamaq və əlavə narahatlığa yol verməmək tövsiyə olunub:
"Bununla belə bəzi təhsil müəssisələrində valideynlər şəxsi narahatlıqları səbəbindən könüllü olaraq övladını götürüblər. Qeyd edək ki, hazırda Sumqayıt şəhərində təhsil müəssisələrində tədris prosesi davam edir. Heç bir təhsil müəssisəsində dağıntı halı qeydə alınmayıb”.
Elşən Yəhyayev
Xəbərdən istifadə edərkən istinad etmək vacibdir.
