İqtisadi Zonaların İnkişafı Agentliyinin ( İZİA ) Peşə Təhsil Mərkəzində 31 dekabr - Dünya Azərbaycanlılarının Həmrəylik Günü və Yeni il bayramı münasibətilə tədbir təşkil olunub.
Xeberle.com məlumat verir ki, Azərbaycan Respublikasının Dövlət Himninin səsləndirilməsi ilə başlayan tədbirdə Peşə Təhsil Mərkəzinin direktoru Kənan Bağırov xalqımızın ümummilli lideri Heydər Əliyevin təşəbbüsü ilə təsis edilən və artıq ənənəvi bayramlarımızdan birinə çevrilən Dünya Azərbaycanlılarının Həmrəylik Gününün əhəmiyyətindən danışıb, bayram münasibəti ilə tələbələri və kollektivi təbrik edib, möhkəm cansağlığı, uğurlar arzulayıb. Sonda Peşə Təhsil Mərkəzinin ictimai və sosial işlərində fəallıq göstərən tələbələrinə sertifikatlar təqdim edilib.
Tədbir bədii hissə ilə davam edib, bayramla əlaqədar istedadlı tələbələrin ifasında müxtəlif kompozisiyalar təqdim olunub.
Xəbərdən istifadə edərkən istinad etmək vacibdir.
