Azərbaycan Respublikası Gənclər Fondunun maliyyə, Abşeron-Xızı Regional Gənclər və İdman İdarəsinin, Sumqayıt şəhər 10 nömrəli tam orta məktəbin təşkilatı dəstəyi ilə Sumqayıt Tələbələri İctimai Birliyi tərəfindən Gənclər Fondunun XVII qrant müsabiqəsi çərçivəsində "Gənc İxtiraçılar Laboratoriyası 2.0” layihəsinin 4-cü seminarı keçirilib.
Xeberle.com məlumat verir ki, 9 fevral 2024-cü il tarixində 10 nömrəli tam orta məktəbdə keçirilən seminarda layihə rəhbəri Ceyhun Hüseynov, məktəbin direktoru Səmra Quluzadə çıxış edərək ölkəmizdə gənclərə göstərilən diqqət və qayğıdan, Gənclər Fondunun və İctimai Birliyin fəaliyyətindən danışıb. Bildirilib ki, "Gənc İxtiraçılar Laboratoriyası 2.0” layihəsinin məqsədi İKT mühəndisliyi sahəsinə həvəsi olan gənclərdən ibarət laborotoriya yaratmaq, robot texnologiyaları, dizayn, kodlaşdırma sahələrinə marağ oyatmaq, gələcəkdə karyera və ixtisas seçimlərinə yardım göstərməkdir.
Təlimçi Ramil Süleymanov tərəfindən keçirilən interaktiv seminarda robot texnologiyaları, mühəndislik və kod tədrisi, İKT sahəsində mühəndislik bacarıqları, müasir texnoloji ixtiraçılıq istiqamətində biliklər iştirakçıların diqqətinə çatdırılıb.
Seminarda gəncləri maraqlandıran suallar cavablandırılıb.
Qeyd edək ki, layihə çərçivəsində keçiriləcək 5 seminara ümumilikdə 250 nəfər gəncin cəlb olunması nəzərdə tutulub.
Xəbərdən istifadə edərkən istinad etmək vacibdir.
