17 may 2024-cü il tarixində İqtisadi Zonaların İnkişafı Agentliyi nəzdində Peşə Təhsil Mərkəzində 4D dual TVET layihəsinin birgə təşkilatçılığı ilə "Qızlar günü”nə həsr olunmuş tədbir keçirildi.
Xeberle.com məlumat verir ki, tədbirdə Mərkəzin əməkdaşları, Almaniya Federativ Respublikasının Bildungswerk der Baden-Württembergischen Wirtschaft e. V. (BiWE) alman təşkilatının "4D Dual TVET" Layihəsinin meneceri Mehmet Çakar, Sənaye və İnnovasiyalar üzrə Bakı Dövlət Peşə Təhsil Mərkəzində Aparıcı Mütəxəssisi Əsmər Baxışova, Abşeron-Xızı Regional Gənclər və İdman idarəsinin əməkdaşı Ceyhun Həsənov, ATL akademiyasının nümayəndəsi Aydan Həşimova, özəl şirkət nümayəndələri, Sumqayıt şəhər orta məktəb şagirdləri və onların valideynləri, orta məktəblərin pedaqoji heyəti iştirak etmişdir.
İqtisadi Zonaların İnkişafı Agentliyi nəzdində Peşə Təhsil Mərkəzinin direktoru Kənan Bağırov çıxışı zamanı tədbir iştirakçılarını salamlamış, 4D dual TVET" layihəsinin əhəmiyyətini qeyd etmiş və tədbir iştirakçılarına mərkəz ilə bağlı ətraflı məlumat vermişdir.
Tədbirin bədii hissəsində İZİA Peşə Təhsil Mərkəzinin tələbələrinin çıxışları dinlənilmişdir.
Xəbərdən istifadə edərkən istinad etmək vacibdir.
