Mayın 31-də Almaniyanın Azərbaycandakı səfirinin müavini Heiko Schwarz İqtisadi Zonaların İnkişafı Agentliyinin Peşə Təhsil Mərkəzinin fəaliyyəti ilə tanış olub.
Xeberle.com məlumat verir ki,qonaqları salamlayan İqtisadi Zonaların İnkişafı Agentliyinin İdarə Heyəti sədrinin müavini Fuad Məhərrəmov Peşə Təhsil Mərkəzinin fəaliyyət istiqaməti, əldə edilən nailiyyətlər barədə məlumat verib, Mərkəzdə bəzi ixtisaslarda Almaniya təcrübəsindən istifadə edildiyini bildirib.
Almaniyanın Bildungswerk şirkətində "4D Dual TVET" layihəsinin meneceri Mehmet Çakar Peşə Təhsil Mərkəzinin tələbələrinin 4D dual TVET layihəsində fəal olduqlarını, sosial fəaliyyətlərdə fərqləndiklərini diqqətə çatdırıb.
Səfirin müavini Heiko Schwarz Peşə Təhsil Mərkəzində görülən işlərdən, əldə olunmuş müsbət nəticələrdən məmnun qaldığını qeyd edib, əməkdaşlıq imkanları barədə fikirlərini bölüşüb.
Tədbir çərçivəsində Peşə Təhsil Mərkəzinin tələbələri Azərbaycan, İngilis və Alman dillərində müxtəlif çıxışlar ediblər.
Xəbərdən istifadə edərkən istinad etmək vacibdir.
