Xeberle.com məlumat verir ki, İqtisadi Zonaların İnkişafı Agentliyi nəzdində Peşə Təhsil Mərkəzində 4D Dual TVET layihəsi artıq 2 ildir Azərbaycanda həyata keçirilir. Layihə SEQUA vasitəsilə, Almaniya Federal İqtisadi Əməkdaşlıq və İnkişaf Nazirliyi tərəfindən maliyyələşdirilən və Bildungswerk der Baden-Württembergischen Wirtschaft e. V. (BiWE) alman təşkilatı tərəfindən həyata keçirilən bir proqramdır. Layihənin əsas məqsədi Peşə Təhsil Mərkəzində İKT ixtisasları üzrə dual qruplarda təhsilanlara yüksək keyfiyyətli təhsil vermək, eləcə də onların təcrübə keçdikləri müəssisələrdəki təlimçilərinin bilik və bacarıqlarını artırmaq üçün onlara yerli və xarici (alman) ekspertlər tərəfindən təlimlər təşkil etməkdir.

Bildiririk ki, Peşə Təhsil Mərkəzi ilə BiWE arasında həyata keçirilən sıx əməkdaşlıq çərçivəsində Mərkəzdə çalışan təlimçilərə İKT və "Müasir və İnnovativ Öyrənmə Metodları” ilə bağlı təlimlər təşkil etmişdir. Həmin təlimlərin əsas məqsədi İKT sahəsində çalışan müəllimlərin potensialını gücləndirmək və tədris prosesi zamanı ənənəvi metodlar ilə yanaşı yeni və innovativ metodlardan və müxtəlif öyrənmə platformalarından istifadə yollarını öyrətməkdir.

Bununla yanaşı qeyd etmək lazımdır ki, layihənin əsas hədəflərindən biri də Peşə Təhsil Mərkəzi ilə özəl sektor arasındakı əməkdaşlıq əlaqələrini gücləndirmək və təhsilalanların şirkət daxilində interaktivliyini təmin etməkdir.

Alman təcrübəsindən yaxından tanış olmaq və dual standartlarının peşə təhsilinindəki ilə rolunu müşahidə etmək üçün BiWE 2024-сü ilin aprel-maylarında Almaniya Federativ Respublikasına təcrübə səfəri təşkil etmişdir. Səfər çərçivəsində müxtəlif istehsal müəssisələrinin fəaliyyəti ilə yaxın tanış olunmuş, praktik seminarlar və təlimlər təşkil edilmişdir.

Bildiririk ki, həyata keçirilən bu layihə çərçivəsində BiWE tərəfindən Peşə Təhsil Mərkəzinə göstərilən texniki dəstək çərçivəsində Mərkəzə proyektor, kompüuter dəstləri və Loqo və təlim lövhələri hədiyyə edilmişdir.

2024-cü ilin 20-24 may tarixlərində 4D Dual TVET layihəsi çərçivəsində müəllim-pedaqoji heyət üçün avtomatlaşdırma texnologiyası mövzusunda təlimlər təşkil olunmuşdur. Təlimlər Almaniya Federativ Respublikasından dəvət edilmiş ekspert Holger Müller tərəfindən keçirilmişdir. Təlimlər zamanı avtomatlaşdırma texnologiyası üzrə Loqo və təlim lövhəsinin strukturu, onun proqram təminatının istifadəsi və prosesin avtomatlaşdırılması mövzularında nəzəri və praktiki biliklər verilmişdir.

Bununla yanaşı, Mərkəzimiz 4D Dual TVET layihəsi çərçivəsində təhsilalanların iştirakı ilə tədbirlər həyata keçirilmişdir. Belə ki, təhsilalanların və müəllim-pedaqoji heyətinin iştirakı ilə 17 may 2024-cü il tarixində Peşə Təhsil Mərkəzində 4D dual TVET layihəsi çərçivəsində "Qızlar günü”nə həsr olunmuş, 15.05.2024-cü il tarixində isə "Autizm center Azerbaijan”da tədbirlər təşkil olunmuşdur. Hazırda Peşə Təhsil Mərkəzində "4D Dual TVET” Alman Layihəsi uğurla davam etdirilir və növbəti tədris illəri üzrə bu proqramın əhatə etdiyi ixtisasların sayının artırılması nəzərdə tutulmuşdur.