İqtisadi Zonaların İnkişafı Agentliyinin nəzdində Peşə Təhsil Mərkəzində Kiçik və Orta Biznesin İnkişafı Agentliyi (KOBİA) tərəfindən təlim keçirilib.
Xeberle.com xəbər verir ki, İqtisadi Zonaların İnkişafı Agentliyinin nəzdində Peşə Təhsil Mərkəzinin "İnkişafa Doğru” yay məktəbinin 30 iyul 2024-cü il tarixli təlim sessiyası Kiçik və Orta Biznesin İnkişafı Agentliyi (KOBİA) ilə əməkdaşlıqda həyata keçirilib.
Mərkəzin direktoru Kənan Bağırov çıxışı zamanı qonaqları salamlayıb və İnkişafa Doğru” yay məktəbinin məqsədi və onun əhəmiyyəti ilə bağlı onlara məlumat verib. Təlim zamanı Kiçik və Orta Biznesin İnkişafı Agentliyinin (KOBİA) Biznesə xidmətlər departamentinin müdiri Natiq Heydərov və KOB-ların bilik və bacarıqlara çıxışına dəstək şöbəsinin müdiri Elməddin Hacıyev tərəfindən yay məktəbinin iştirakçılarına KOB-ların biznes sahəsində bilik və bacarıqlarının artırılması, KOB evlərində sahibkarlara vahid məkanda dövlət və özəl qurumlar tərəfindən G2B və B2B xidmətlərin göstərilməsi, "Startap” şəhadətnaməsi, KOB dostları, eləcə də KOBİA-nın yerlərdəki nümayəndəliklərinin fəaliyyəti, həyata keçirilən layihə və proqramlar haqında geniş məlumat verilib. Bununla yanaşı yay məktəbi iştirakçılarına sahibkarlıq fəaliyyətinin təşkil edilməsi və KOBİA-nın dəstək mexanizmləri ilə bağlı təqdimatlar edilib, interaktik müzakirələr aparılıb və tələbələri maraqlandıran suallar cavablandırılıb.
Xəbərdən istifadə edərkən istinad etmək vacibdir.
