İqtisadi Zonaların İnkişafı Agentliyinin nəzdində Peşə Təhsil Mərkəzi ilə "Coders Azerbaijan” şirkəti arasında Anlaşma Memorandumu imzalanıb.
Xeberle.com xəbər verir ki, İqtisadi Zonaların İnkişafı Agentliyinin nəzdində Peşə Təhsil Mərkəzi ilə "Coders Azerbaijan” MMC arasında 04 dekabr 2024-cü il tarixdə əməkdaşlığa dair Anlaşma Memorandumu imzalanıb. Sənədi Peşə Təhsil Mərkəzinin direktoru Kənan Bağırov və "Coders Azerbaijan”-ın həmtəsisçisi Seymur Həmidov imzalayıblar.
Memoranduma əsasən, Peşə Təhsil Mərkəzində təhsil alan tələbələr İKT istiqamətində həyata keçirilən müxtəlif proqramlardan yararlana biləcəklər.
İmzalanan sənədin məqsədi qarşılıqlı anlaşma əsasında tələbələrin beynəlxalq proqramlar üzrə təlimlərə cəlb edilməsi, onların işlə təmin olunmasına köməklik göstərilməsi, birgə tədbirlərin təşkili, təhsil alanların bilik və bacarıqlarının davamlı inkişafının təmin edilməsi ilə bağlı layihələrin birgə icrası sahələrində əməkdaşlıqdan ibarətdir.
Xəbərdən istifadə edərkən istinad etmək vacibdir.
