İqtisadi Zonaların İnkişafı Agentliyinin nəzdində Peşə Təhsil Mərkəzində Azərsun Holdinq ilə bağlanmış memorandum çərçivəsində Azərsun Holdinq əməkdaşlarının təkmilləşdirilməsi üzrə təşkil edilmiş təlim kursu 19 fevral 2025-ci il tarixində başa çatıb. 3 aylıq bir dövrü əhatə edən təlim kursu Tecnosun - Texniki İnkişaf proqramı çərçivəsində həyata keçirilib. Təlim müddətində iştirakların nəzəri və praktiki bilik və bacarıqları inkişaf etdirilib, zəruri səriştələri formalaşdırılıb. Təlim iştirakçılarının yekun qiymətləndirmə imtahanında hər iki qurumun rəhbər şəxsləri, mütəxəssisləri və mərkəzin müəllim-pedaqoji heyəti iştirak edib.
Təlim kurslarının təşkilində əsas məqsəd Azərsun Holdinq əməkdaşlarının mövcud bilik və bacarıqlarını artırılması, onlarda müvafiq sahələr üzrə yeni səriştələrin formalaşdırılmasıdır. Təlim proqramı üzrə dərslər hər iki müəssisənin inzibati binalarında həm nəzəri, həm də praktik formada təşkil edilib, təlim proqramını uğurla başa vuran iştirakçılara sertifikatlar təqdim ediləcəkdir.
Xəbərdən istifadə edərkən istinad etmək vacibdir.
