Avqustun 14-dən etibarən ali təhsil müəssisələrinə qəbul olan abituriyentlərin qeydiyyatı başlayır.
 
APA xəbər verir ki, bunu TQDK-nın mətbuat xidmətinin rəhbəri Elnur Nağızadə açıqlayıb. E.Nağızadə bildirib ki, ali məktəblərə qəbul olan şəxslərin qeydiyyatı avqustun 24-dək davam edəcək:
 
"Proses zamanı qəbul olunan şəxslər qəbul olduqları ali təhsil müəssisəsinə müvafiq sənədləri təqdim etməklə qeydiyyatdan keçməlidirlər. Bu müddət ərzində qeydiyyatdan keçməmək qaydalara uyğun olaraq həmin şəxsin müvafiq ixtisasa yerləşdirilməsindən imtina kimi qiymətləndiriləcək və onun qəbul haqqında əmri ali təhsil müəssisəsinə göndərilməyəcək”.
 
E.Nağızadə onu da qeyd edib ki, artıq ali məktəblərə qəbul olunan tələbələrin siyahısı "Abituriyent” jurnalının 7-ci sayında dərc olunub.

Xəbərdən istifadə edərkən istinad etmək vacibdir.