Azadinform xəbər verir ki, mərkəzi Bonn şəhərində yerləşən, Almaniya Xarici İşlər Nazirliyinin dəstəyiylə təsis olunan DAAD alman ali məktəblərinin birgə qurumudur və beynəlxalq əməkdaşlıq sahəsində ən böyük maliyələşdiricilərdən biridir. Belə ki, bu xidmət təqaüd proqramlarına görə dünya üzrə Eracmusdan sonra ən geniş yayılmış təqaüd proqramıdır. 
Xidmətin Azərbaycan üzrə nümayəndəliyinin akademik müşaviri Səmra Nusal tələbələrə təqaüd proqramları barədə geniş məlumat verib. Tələbələr öyrənib ki, DAAD Almaniyada təhsil almaq imkanı qazanan tələbələrimiz üçün alman ali məktəblərində yay dil kursları təqaüdü, master təqaüdü, eyni zamanda doktorantlar üçün elmi müdafiə və tədqiqat təqaüdü təklif edir. Azərbaycanda bakalavr pilləsinin son kursunu bitirib Almaniyada təhsillərini davam etdirən tələbələr alman ali təhsil müəssisələrində yüksək nəticələr göstərdikləri halda hər ay DAAD-ın təsis etdiyi 750 avro məbləğində təqaüd ala bilərlər. Eyni zamanda doktorantlar da təhsilin sonrakı mərhələsini Almaniyada davam etdirsələr, onlar da DAAD-ın elmi müdafiə və tədqiqat təqaüdünü əldə etmiş olarlar. S.Nusalın sözlərinə görə, DAAD-ın üzvü olmaq istəyən tələbə və doktorantlar oktyabr və noyabr aylarında ərizələrini qurumun Azərbyacan Neft və Sənaye Universitetində yerləşən ofisinə təqdim edə bilərlər. 
Tələbələrin sosial vəziyyətini yaxşılaşdırmaq üçün nəzərdə tutulan DAAD təhsil və təqaüd proqramı ilə daha geniş tanış olmaq üçün www.daad.baku.az veb səhifəsindən bütün məlumatları əldə edə bilərsiniz.