Sumqayıt şəhər 9 saylı orta məktəbdə Azərbaycan Xalq Cümhriyyətinin yaranması, 28 May- Respublika günü münasibətilə tədbir keçirilib.
Öncə qonaqlar məktəbin foyesində şagirdlərin rəsm əsərləri ilə tanış olublar. Daha sonra tədbirdə 28 May 1918-ci ildə Şərqin ilk demokratik respublikası olan AXC-nin yaranması tarixindən söz açılıb. Azərbaycan tarixinin şanlı səhifələrindən olan, xalqımızın milli azadlıq mücadiləsinin məntiqi nəticəsi sayılan və müasir dövlətçilik tariximizdə önəmli yerə malik olan cümhuriyyətin XX əsrin Şərqi üçün milli dövlətçilik ənənələrinin əsasını qoyduğu vurğulanıb.
Tədbirdə məktəbin şagird heyətinin ifasında ədəbi bədii kompazisiya təqdim olunub.
Tədbirin sonunda məktəbin direktoru Bəhruz Səlimxanov çıxış edib. O bildirib ki,Azərbaycan Xalq Cümhuriyyətinin çox ağır bir tarixi şəraitdə və həssas bir geosiyasi məkanda yaransa da,dövlətçilik tariximizin əsaslarının təməlini qoyduğunu ,ümumimilli lider Heydər Əliyevin "müasir Azərbaycan dövləti məhz 1918-ci ildə yaranmış Azərbaycan Xalq Cümhuriyyətinin varisidir" kəlamını xatırladıb.
Ümumimilli lider Heydər Əliyev hər zaman tarixi dəyərlərə,o cümlədən, AXC-nin dövlətçilik ənənələrinə hörmətin və onun ideyalarının təbliğ edilməsinin vacibliyini vurğulayıb.
Xeberle.com
Xəbərdən istifadə edərkən istinad etmək vacibdir.
