Xeberle.com azedupress.com-a müraciətin mətnini təqdim edir:

Azərbaycan Respublikası Təhsil Naziri Mikayıl Cabbarova Sumqayıt şəhər İsmət Qayıbov adına 1 № li tam orta məktəbin pedaqoji kollektivi adından müraciətCənab Nazir!

Məktəbimiz hər il Sumqayıt məktəbləri içərisində təlim-tərbiyə işinə görə, qəbul imtahanında göstərdiyi nailiyyətlərə görə xüsusi məktəblər – gimnaziya, liseylər arasında da yüksək nəticələr göstərmişdir. Bütün bunlara rəğmən məktəbimiz 2008/2009-cu tədris ilində keçirilmiş "Ən yaxşı ümumtəhsil məktəbi (Azərbaycan Respublikası Prezidentinin 1 sentyabr 2009-cu il tarixli, 460 nömrəli sərəncamı), 2013/2014-cü ildə (Azərbaycan Respublikası Prezidentinin 17 dekabr 2014-cü il tarixli, 930 nömrəli sərəncam) müsabiqəsinin qalibi olmuşdur. Lakin hal-hazırda Sizə müraciət etməyimzin səbəbi məktəbimizə yeni direktor təyinatı ilə əlaqədardır. Biz bir kollektiv olaraq məktəbimizə rəhbərlik etməyi indi hazl-hazırda direktor əvəzi kimi işləyən İskəndərova Təranə Əmirağa qızına həvalə olunmağı Sizdən xahiş edirik. Buna qədər Təranə müəllimə təlim-tərbiyə işləri üzrə direktor müavini işləmişdir. İşlədiyi müddətdə müəllim, şagird və valideyn heyətinin rəğbət və hörmətini qazanmışdır. Təranə müəllimə işlədiyi müddətdə məktəbimizn yüksək təlim-tərbiyə işində nəticələrin əldə olunmasında böyük rola malik olmuşdur. Təranə müəllimə gördüyü işlərlə bu vəzifəyə layiq olan insandır. Məktəb kollektivinin ona etimadı böyükdür. Kollektivin etimadını doğruldacaq insan Təranə müəllimədir.

Biz inanırıq ki, Sizə ünvanlanan məktub cavabsız qalmayacaq, öz müsbət cavabını tapacaq. Çünki bu məktub bütün şagird, müəllim və valideyn heyətinin iradəsilə yazılmışdır. Öncədən Sizə kollektiv tərəfindən təşəkkürümüz bildiririk. Yeni tədris ilində Sizə can sağlığı və müvəffəqiyyətlər arzu edirik.