Daha 2
sumqayıtlı pedaqoq məktəb direktoru vəzifəsinə təyin olunub.
Xəbər verdiyimiz kimi, bu günlərdə Sumqayıt şəhər
Təhsil Şöbəsinin Ekoloji Tərbiyə və Təcrübəçilik Mərkəzinin direktoru
Emilya Mizandar qızı Səfərəliyeva Bakı şəhər Nərimanov rayonu Novruzov
qardaşları adına 36 №-li orta ümumtəhsil məktəbinin direktoru vəzifəsinə təyin
olunmuşdu.
Onun ardınca daha 2 sumqayıtlı pedaqoq Bakı şəhərində məktəb direktoru vəzifəsinə təyin olunub. Belə ki, Sumqayıt şəhər 39 nömrəli
məktəbin təşkilatçısı Məhəbbət Əsgərova Bakı şəhəri Yasamal rayonu 176 saylı
tam orta məktəbin, Sumqayıt şəhər 31 nömrəli orta məktəbin informatika müəllimi
Nailə Cəfərova isə Bakı şəhəri Binəqədi rayonu 297 saylı tam orta məktəbin
direktoru vəzifəsinə təyinat alıblar. Bununla bağlı Təhsil naziri Mikayıl
Cabbarov müvafiq əmrlər imzalayıb.
Xatırladaq ki, M. Əsgərova və N. Cəfərova Təhsil Nazirliyinin və Qafqaz Universitetinin
11.01.2016-20.05.2016 tarixləri arasında birgə təşkil etdiyi "Məktəb direktorlarının hazırlığı kursu” adlı 180
saatlıq təlim kursunu müvəffəqiyyətlə tamamlayaraq sertifikata layiq görülüb.
Xeberle.com
Xəbərdən istifadə edərkən istinad etmək vacibdir.
