Qeyd edək ki, V. Bağırov 1956-cı  ildə Qərbi  Azərbaycanda  anadan olub. Pedaqoji fəaliyyətə Sumqayıtdan  başlayıb. 1977-ci ildə Bakı Dövlət Universitetinin Riyaziyyat falüktəsini bitirən Vidadi Bağırov təyinatla 3 nömrəli məktəbə  göndərilib. Sonra fəaliyyətini şəhərin 10 nömrəli məktəbində  davam etdirib. Bir müddət 30 nömrəli məktəbdə direktor  müavini,  şəhər təhsil şöbəsində metodist və inspektor işləyib. 1989-cu ildən 1997-ci ilə qədər Təhsil  Nazirliyinin ümumtəhsil məktəbləri şöbəsində çalışıb. 1997-ci ildə isə Sumqayıt şəhər Təhsil şöbəsinin müdiri vəzifəsinə təyin olunub. O, bu vəzifədə 15 il  işləyib. 22  oktyabr 2012-ci il tarixində  tutduğu vəzifədən uzaqlaşdırılıb. Bir müddət Təhsil Nazirliyinin Monitorinq və qiymətləndirmə şöbəsində baş məsləhətçi vəzifəsində çalışıb.
Bu təyinata qədər sonuncu iş yeri  Qafqaz Universiteti olub. V. Bağırov orada Təhsil müəssisələri ilə iş şöbəsinin müdiri olub.
O, 2009-cu ildə "Əməkdar müəllim” fəxri adına layiq görülüb. V.Bağırovun Sumqayıt təhsilinin inkişafında böyük rolu olub.
 

Xəbərdən istifadə edərkən istinad etmək vacibdir.