Cari ildə ümumi təhsili xüsusi nailiyyətlərlə başa vuran məzunlar Azərbaycan Respublikası Təhsil Nazirliyi tərəfindən qızıl və gümüş medallarla mükafatlandırılıb.
Xeberle.com məlumat verir ki, Dövlət İmtahan Mərkəzi tərəfindən 2016/2017-ci dərs ilində keçirilmiş tam orta təhsil səviyyəsi üzrə yekun attestasiyanın nəticələrinə görə qızıl və gümüş medal alan məzunların içərisində sumqayıtlı məzunlar da var.
Belə ki, bu il ali məktəblərə qəbul imtahanlarında 700 bal nəticə göstərən Təbiət Elmləri Təmayüllü Gimnaziyanın məzunu Əfəndiyev Eldar İlqar oğlu, eləcə də gimnaziyanın digər məzunları Əliyeva Aytac Elşad qızı, Feyzullayeva Səbinə Azər qızı və Nəcəfli Eyvaz Əli oğlu qızıl medala layiq görülənlər sırasındadır.
5 nömrəli məktəbin məzunu Mircəfərova Leyla Məmmədağa qızıl medalçılardandır.
Gimnaziyanın məzunu Mahmudlu Leyla Müşfiq qızı isə gümüş medalla mükafatlandırılıb.
Qeyd edək ki, qızıl və gümüş medala layiq görülmüş təhsil alanların adları oxuduqları məktəbin "Şərəf kitabı”na yazılacaq.
Hicranə İsmayılova
Xeberle.com
Xəbərdən istifadə edərkən istinad etmək vacibdir.
