Sumqayıt şəhərindəki N saylı hərbi hissədə gənclərin vətənpərvərlik tərbiyəsində müstəsna əhəmiyyəti olan, əsasnaməsi 7 Nazirlik tərəfindən təsdiq olunmuş ənənəvi «Şahin» hərbi-idman oyunlarının şəhər birinciliyi keçirilib. 13 aprel 2018-ci il tarixində təşkil olunan qələbə uğrunda yarışda Sumqayıt şəhərinin 12 tam orta məktəbi qüvvəsini sınayıb. Mübarizənin sonunda Sumqayıt şəhəri Təbiət Elmləri Təmayüllü Gimnaziyanın "Şahinlər" komandası 1-ci yerə layiq görülərək Sumqayıt çempionu olublar. 2-ci yeri 1 saylı tam orta məktəbin şagirləri tutub. İlk üçlüyü isə 17 saylı tam orta məktəbin komandası tamamlayıb.

 Qalib komandanın - Gimnaziyanın hərbi rəhbəri Eltəkin Qocayev Xeberle.com-a bildirib ki, mübarizə çox gərgin keçib və bütün rəqiblər qələbəyə layiq idi. O xatırladıb ki, Sumqayıtı aprelin 20-də Xaçmaz rayonunda keçiriləcək zona yarışında məhz "Şahinlər" komandası təmsil edəcək.