Xeberle.com xəbər verir ki, məktəb kollektivinin, Sumqayıt şəhər Təhsil şöbəsinin nümayəndəsi Əlhəddin Paşayevin iştirak etdiyi tədbirdə çıxış edən məktəbin direktoru Səadət Məmmədova dahi siyasətçi kimi bütün dünyada tanınan Heydər Əliyevin xalqımızın tarixi inkişafındakı müstəsna xidmətlərindən danışıb.

S. Məmmədova milli maraqları daim hər şeydən üstün tutan ulu öndər Heydər Əliyevin əziz xatirəsinin xalqımızın yaddaşında əbədi yaşayacağını bildirib.

Tədbirdə Azərbaycanın dövlətçilik ənənələrindən, ölkəmizin 90-cı illərdə üzləşdiyi böhrandan çıxararaq bugünkü inkişaf səviyyəsinə çatmasında Ulu Öndərin rolundan, eləcə də uğurlu daxili və xarici siyasətindən bəhs olunub.

Sumqayıt Təhsil şöbəsinin əməkdaşı Əlhəddin Paşayev dövlətçiliyimizin inkişafında ümummilli liderimizin fədakar əməyindən bəhs edərək, təhsilə göstərdiyi diqqət və qayğıdan söz açıb.

Tədbirdə, həmçinin məktəb şagirdlərinin ifasında şeir, mahnı və səhnəciklər təqdim olunub.