Sumqayıt şəhər Təhsil Şöbəsindən Xeberle.com-a verilən məlumata görə, bu məqsədlə şöbənin illik iş planına uyğun olaraq şəhərimizin ümumi təhsil məktəblərində təlim və tərbiyənin keyfiyyətini yüksəltmək üçün silsilə tədbirlər və monitorinqlər keçirilir. Bu tədbirlərdən biri də şəhərin ümumtəhsil məktəblərinin 4-cü siniflərində ana dili, riyaziyyat və həyat bilgisi fənlərinin tədrisi vəziyyətini yoxlamaq məqsədi ilə keçirilən monitorinq olub. Monitorinqin keçirilməsi ilə bağlı şöbə rəhbərliyi tərəfindən xüsusi əmr imzalanıb və şöbənin əməkdaşlarından ibarət qruplar yaradılıb. Hazırda ayrı-ayrı məktəblərdə keçirilmiş monitorinqlərin nəticələri emal olunur. Nəticələr Təhsil Şöbəsində və məktəblərdə geniş təhlil olunacaqdır.

Qeyd ki, digər siniflərdə də monitorinqlərin keçirilməsi nəzərdə tutulub və monitorinqlər davam etdirilir.