Sumqayıt təhsili ölkədə həmişə birincilər cərgəsində olub. Abituriyentlər bu il də öz nailiyyətləri ilə doğmalarını sevindirməklə yanaşı, təhsil aldıqları məktəblərin də adını birincilər cərgəsinə yazdıraraq uğur bəxş ediblər.
Şəhərdə ən yaxşı nəticə göstərən orta təhsil müəssisələri liseylər olduğundan onların nailiyyətləri ilə daha yaxından tanış olmaq üçün tədris müəssisələrinin drektorları ilə əlaqə saxladıq.
Texniki və Təbiət Elmləri Liseyinin (TTEL) direktoru Rüsxarə Məmmədova Xeberle.com-a verdiyi məlumatda bildirdi ki, 2018-2019-cu tədris ili üçün keçirilmiş qəbul imtahanlarında məktəbin məzunları 100 faiz nəticə göstərib. Belə ki, məktəbin ümumi 54 məzunu olub ki, onlardan 4 nəfəri YÖS proqramı ilə keçirilən sinaq imtahanlarında ən yüksək nəticəni göstərərək Türkiyənin ən nüfuzlu dövlət universitetlərinə , 50 məzun isə Dövlət İmtahan Mərkəzinin keçirdiyi imtahanlar üzrə parlaq nəticələr əldə edərək ölkənin müxtəlif ali məktəblərinə daxil olublar. Ümumi olaraq 54 məzundan 25-i 600 baldan yuxarı, 3 nəfəri isə 695 bal nəticə göstərib. R.Məmmədova həmçinin söyləyib ki, məktəbin 46 məzunu adını 500-700 bal toplayanlar sırasına yazdıra bilib. Təhsil müəssisəsinin 2 məzunu isə qızıl medala layiq görülüb.
Təbiət Elmləri Təmayüllü Gimnaziya adını nəinki Sumqayıt, habelə ölkə üzrə yüksək nəticə göstərən məktəblər sırasına yazdırmaq nəsib olub.
Məktəbin direktoru Nizami Əhmədov Xeberle.com-a bildirib ki, ümumilikdə məktəbin 45 məzunu olub. Onlardan 1 nəfəri YÖS proqramı ilə keçirilən sinaq imtahanlarında ən yüksək nəticəni göstərərək Türkiyə universitetinə qəbul olub, qalan 44 şagird isə TQDK-nın keçirdiyi imtahanlar üzrə göstərdikləri nəticələrə görə tələbə adını qazanıblar. Nizami müəllim həmçinin deyib ki, 30 məzun 600 baldan yüksək nəticə göstərib.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
